打印

【六千万次冰桶挑战赛】我心目中的嫦娥姐姐、男神女神,证件照!!!!!!

洒家好不容易下潜到海底深沟6000余米了,正欢天喜地、一丝不挂着,拗不过巴莫姐姐的召唤,谁让她是女神呢?俏佳人扭捏出房来东西南北坐,洒家坐哪里呀?
好在洒家钵子里倒还有个切题的宝贝,吴语故事记录稿哦,贴出来请各位看官赏脸些个。如有认得的,就再用官话讲给别人听,这样可使得么?——————


娑婆树
乃末俚只故事呐叫娑婆树。啥格娑婆树呐?就是亮月里阿是望浪去有棵树?叫娑婆树。乃末格棵娑婆树呐,恁讲欸长么有得亮月开始到现在,勿知讲勿像几化年份呀讲勿像哉!
乃末俚棵娑婆树呐,勿晓得呀有歇一日天咾,欸呀落得一枝下来,亮月里落到得下头,落到得啥浪呐?落勒搭昆承湖 里。乃末哪能倒晓得落得昆承湖里呐?昆承湖边浪有个小囡,总十七、八岁,欸呐无没娘老子格,无没娘老子呐,欸场靠呐捕鱼啊捕狮螺啊捕蚌啊叫捕虾啊,反正靠格个昆承湖吃格。乃末有歇一日天啊,欸么一直要等于拿格之柴么拾转去要烧饭吃,乃末欸呐格日天啊,到昆承湖捕鱼捕虾捕捕啊,倒看见一段树,一段树倒蛮直落格,而且蛮长格,乃末欸乃跑去一捕捕得,拿格段树掮转去,掮到屋里。欸格间屋里呐几化呐?场两间草屋。乃拿格根树呐,拿转去摆勒屋里得,乃末也蛮好。欸也无没凳坐格,乃末日朝呐坐勒树浪,当个只凳格,欸倒也坐勒浪的。乃勿晓得恁么捕到得格棵树,格根树拿得转去,勿晓得好,发财来呀勿得了哉!欸呐出去捕捕一直捕勿着格,乃是呀好,捕来一夹皱呀嗨会虾,恁要虾就虾,恁要蟹就蟹,恁要鱼就鱼,仙哉,等于格棵娑婆树拨欸拿得转去呐等于仙哉。乃末以后来实梗欸乃发财来总无没,欸乃呐捕来多来,恁今朝捕来恨勿得拿勿动,日朝实梗,恁高兴捕几化就几化,乃末实梗的阿是要发财格?乃末格小囡开心总无没,卖脱得铜钿受浪受浪受浪。
后首底欸呐想也要砌埭屋哉,乃就勒得格昆承湖边浪砌屋,砌屋乃末阿是去买点材料?雷好得么砌屋哉。乃末下槛无没,下槛无没本能想着,我格个昆承湖里捕着格根下槛,蛮好,格根下槛倒好格,格根树呐好来结结足足,因为格根树呐牢来呀无完结。欸乃末去拨了木匠,说俚根搭我做下槛,因为下槛蛮奈委格,一日天要跑进跑去跑进跑去,总归一埭屋坏脱么下槛先要坏。乃末欸勿晓得拿俚个娑婆树做得下槛呐,牢来呀总也勿坏格,像钢筋水泥一样,乃末实梗的呐做得个下槛,乃好哉做得个下槛好哉,发财来呀勿得了。乃末后首底别人家看欸砌好屋么,搭欸做介绍拨得个娘子欸,乃末拨得个娘子呐,养得伲子。乃末格伲子呐也去捕虾啊、捕蟹啊,也昆承湖里勿得了,格虾呐蟹呐长来勿得了,就是格棵娑婆树浪个仙头,阿啦。乃末后首底呐欸发财来无对准,勿晓得欸养得九个伲子,养得廿三个孙子,后首底房子砌来呀好里好。乃勿晓得实梗的呐啊,倒话道九子廿三孙,格个老老头原勒浪,原归好格,老夫妻两个原好格,乃末一歇歇得几十年呐,欸格伲子呐也勿太听说话,也总归六十岁宽点哉等于,俚个老老头呐八、九十岁哉,乃末一个小伲子呐六十岁哉,大伲子要七、八十岁哉,乃末欸呐实梗的。
格日天呐欸个小伲子勿将进,去拨欸一顿,拨了老老头拷得一顿,拷得一顿呐,俚家人家姓陈,陈家,乃末拿俚个小伲子拷得一顿呐,小伲子跑出去,坐勒得下槛浪呐大门下槛浪呐勒嗨哭,勒嗨哭呐一个换糖老老头跑过,欸话道:“哎哟,格老公公,恁做啥哭吧?”欸话:“我拨了我俚叫老子打的。”“哎哟哟,恁实梗老来牙须六十几岁哉,还有老子格了?”“啥格老子格了,我俚老子,”欸话道,“正好了,身体正好了。”欸话道。乃末实梗拨换糖人晓得,哎哟,乃末换糖人出去讲哉,陈家格浪家人家呀好来呀勿得了,等于叫人家发财来勿去讲欸。
乃末实梗一话呐,乃末勿晓得,好,强盗、贼全要去看想哉,晓得俚家人家发财哉,拨欸笃发现,欸笃勒得等于昆承湖边浪,别人家的一般性跑勿大着格,乃末以后来全去,强盗上、贼上,拿欸吵来无使过日脚,乃末后首底呐,叫啥话道:“勿哉,我俚跑罢,我俚勿高兴登浪哉!”乃末九子廿三孙呐跑去,哪能跑呐,连夜成功要跑哉,乃末欸笃村浪格点人要搭欸笃讲明白,欸话道:“实梗能,我俚么要搬场哉,我俚勿登浪哉,吵来恁看格之贼呐强盗多来无对准,我俚要跑开哉!”乃末实在呐欸笃要离开哉,乃末实梗的呐搬场哉么,欸笃格得家因为婚丧喜庆全去搭欸笃借,欸笃有四十只台子,一百几十只凳,乃末别人家搭干事体呐,全要搭欸笃去借。乃末:“哎哟呐,恁笃呐跑哉,我俚呐么样样格之末事全要来搭恁笃借格,乃恁笃跑得么我俚乃到啥浪去借?”别人家的人家有只台子已经好足哉,格脚辰光无没格之大方台格,只有小台子格,欸笃有四十只大方台格,乃末实梗的呐,欸话:“实梗,我俚跑么跑,恁若然话道要搭我俚借么,我俚原肯格咾。”格么哪能肯呐?欸话:“恁只要实梗,恁要借譬如要十只台子,譬如几化凳,十只台子呐,阿是要四十条凳,恁写张纸头,写得张纸头呐,恁登勒我俚昆承湖边浪点得火呐烧下来,烧得呐恁格点灰丢昆承湖里,”欸话,“我呐等于格之台子、凳呐拿出来。”乃末欸笃呐“噢”。
格日天有一日天,倒欸笃格家人家倒定见村浪一家人家结婚哉,乃末倒哎哟,乃台凳到啥浪去拿?欸话:“勿哟,格个等于陈家格老老头讲格,话道恁笃只有要借台凳可以格,只要拿写几只台子几只凳,恁只要拿纸头烧下去,灰丢勒昆承湖,欸会得来格。”欸笃话:“一相信?”乃末试试看试试看呐,乃末一个人噢,搭起来写,写得十只台子四十条凳,乃末拿来跑去到昆承湖边浪一烧,烧得拿点灰到湖里去一汏汏勒嗨的,汏勒嗨得一歇歇,“骨碌骨碌骨碌”倒十只台子氽得起来哉,倒话道四十条凳起来哉。乃末全撩,撩得么情来,定见来方便来。格么乃还欸笃哪能呀?还欸笃么,老公公话格,恁只拿去丢昆承湖里,丢下去么欸沉下去。噢,格么蛮好!开头辰光倒是,才等雷开呐,“啵罗啵罗啵罗”去丢去,丢去得倒欸倒一埭沉下去,沉得下去好哉。
乃末勿晓得有个人啊起黑心哉,借借有一趟欸借四十只台子,乃末等于要几百只凳的咾,借得倒欸黑心哉,倒勿去丢昆承湖哉。勿去丢昆承湖哉么,乃拨欸拿得呐想勿丢脱,勿丢么欸呐一是一齐拿得起来哉。以后来有格有家又要去等于要去借台子哉,写得纸头烧下去就勿借哉,欸因为拿我点台子凳全一齐拿得起来哉,告欸拿啥借?乃末以后来一直勿借哉。乃末格档里箫青碧绿格档昆承湖里,假如太阳一点点无没夏荫,就话道看得出格,勒得昆承湖底下有只屋角,就是一个屋尖念看得出,欸格埭屋沉得下去一个屋尖念,乃末后首底就叫陈家陈家(谐音“沉家”)就是沉得下去。故事结束。
引用:
原帖由 silver 于 2014-9-5 20:29 发表

杨利慧和陈泳超 ──
出来嘛,别潜水啦。。。
两位都是讲故事的高手哦。
附件: 您所在的用户组无法下载或查看附件
本帖最近评分记录
  • 张多 宝葫芦 +100 陈老师的方言稿故事本楼无敌。。 2014-9-6 16:52

TOP

还要往下点将啊。
洒家被女神点了,不作兴回点女神,又没兴致点那些腌臜男神,忽地见得女神边上有两个小妖精,一壁厢鼓腮蹙眉、乔张做致的,倒也标致得紧,一索点了她俩,干净是好。

张志娟   朱佳艺

此时不出,更待何时,急急如律令!!!!!

TOP