《都玛简收》序歌
（
哈尼文-汉字对照）
哈尼太龙网 更新时间：2006-8-1
Sa yi.....
GGaq li colqoq aqyivq meilnaol
Colhhyul aqda paqssaq qiq mavq
Zyuqmoq dogee ssaqlaol sal meil jol
Hhomu zyuqssaq meeq ssol ngavq qa ceil siil pal
Nia a eelmeil dogee eelheiq meeq ssol
Yoq bo deiyal ngavq jivq ceil jivq cuv
Hhovqliv colmoq jol sal xa
Deihha ssaqnaol zaqduq ssivq
Nameeq naozaq niuq leil qiq nao hev ssol
Paqssaq xil miav ceil col zyul e
Meilnaol xil miav ceil hhaq ssaoq e
Daol li jalzii ngavq bieil ceil bieil zyul
Jalzii lolbieil ngavq joq ceil joq ssaoq e
Zaq movq aqjivq ngavq qa ceil siil dav
Dol movq laqzil ngavq jivq cei jivq dav
Paqssaq ceil hhaq qiq zil zil e
Miq zaq wuq a yeillul gee
Meilnaol ceil hhaq qiq doq ssaoq e
Niq dol wuq a yeilgaq gee
Niq zaq wuq a yeigaq gee e
Haljivq laqmee siil yol gee e maq ngeel
Niq dol wuq a yeilgaq gee e
Halsiil laqmee jivq loq gee e maq ngeel
Dulma Jeieeq balnei yeillul gee
Naolma eelbil balmei yeilgaq gee
Huvqmeeq huvqcil jav e huvq caq maq cuv
Lameeq lacil jav e la caq maq cuv
Naomeeq maozaq niuq leil qiq nao cuv
Qiq huvq wuqduq qiq jol
Huvqyei lajol wuqduq qiq taq
Pyuq loq yeilbei aqhhal jav
Pyuq lo yeisal yeil nei bei taq laq e
Ceilniq naomeeq niuqnao Eelbil lol nao
Eelniuq kyulmol aqmeil ssaq seq leev nga yil
Dama hhaolliq hnvq a maq pal qivq nga yil
Pyuq lo yeilsal galma maq leiq qivq nga yil
Aqyivq gaq e aqnil
Alquvq gaq ssol lolbaq ngaqsaq
Dulma jeiseq balnei yeillul gee
Naolma Eelbil balnei yeilgaq gee
Col lo colteil dav e qiq hhaq
Jeiseq miqzaq aoqtav colkyul
Soq lo soqteil day e qiq xaoq
Soqzyuq hoqtuv massaol
Daqtav colkyul jeiseq miqzaq
Siq hu miavpyuq colssaq molkol duv
Naol hu daolteil ngaqlaoq laoqssaq duv
Seqpeiq baqnil aqso duv
Baqkyul hawuv siqzaq duv
Meiqsi pyu nei hu e maq gaq qiq hhaq maq jol
Naolhao pyu nei hu e maq hhyul qiq hhaq maq kevq
Siivq ciivq aqpyuq col'yul maq mol e liq
Siivq ceil aqpyuq yeilgaq nga
Ceil ciivq aqpyuq maq mol e liq
Cei lol moq sov daoqmiq nga
萨咿.....
亲亲的兄弟姐妹哟，
和睦的父老乡亲们，
充沛的水源灌满成片的良田，
杰出的头领带来了祥和的
社会，
古稀老人在安度晚年，
伶俐的儿童衣食丰足。
日月翻转又轮回，
寒气过后春风起，
燕子飞回屋檐下，
翁果花开在山坳中，
春季阿培翁本冷生神诞生了，
翁本冷生是冬天的神灵，
这是个吉祥的日子。
吉祥的日子又来临，
二月属牛的这一天又来到。
一年到头只有一天，
十二个月只有一回，
是祭祀阿倮欧滨的日子，
是哈尼人怀念祖先的时间。
安好平稳的四方桌，
摆上美味可口的佳肴，
倒上清洌醇香的美酒，
唱一唱都玛简收的
故事，
说一说树王禾土玛绕的来历。
没有不死的祖先， 只有祖先传下的
传统，
古话是先辈的教诲，
金银首饰是祖宗的遗物，
哈尼古话越说越长，
山上黄土越挖越多。
都玛简收是祖先遗留下的故事，
树王禾土玛绕是先辈传下的话头。
在远古的诺玛昂们，
有一个叫都玛简收的姑娘，
美丽聪明有孝顺，
从小天生懂事理，
三岁已成大人样，
背后看她，
苗条的身子如流动的鱼儿；
对面看她，
白嫩的脸庞像刚下出的鸡蛋。
见过她没有哪个不爱慕，
想到她没有哪个不牵挂，
她的故事多又长，
她的
传说长又长。
在这个吉祥的属牛日里，
在神圣的阿倮欧滨祭祀中，
让我们唱一唱这个祖组辈辈留下的传说，
说一说简收姑娘的故事。
可以走的路有万千条，
能唱的歌有万千种。
今天不是唱农事歌的时候，
也不是翻年翻月的四季歌，
不唱建房盖房的歌，
也不唱儿女谈情说爱的歌，
要唱遮天大树的古经，
说说太阳月亮被遮住的事。
说错的话儿大家纠正，
走错的道路大家改过来。
